قلبي ينبض متى اراد ولمن اراد وكيفما اراد

احفظ لسانك عن عروض المخاليق واستغفر الله كل مااصبحت وامسيت
يزيل عنك الهم والحزن والضيق ويعطيك كل اللي طلبته وتمنيت

اسمع من المنطوق شي يسرك وابعد عن الهرج الردي لاتحلاه
واللي يمر الناس لازم يمرك من زين ولا شين لابد تلقاه
دنياالمظاهر انتبه لاتغرك كم واحد مبلي وكم واحد تاه
وكم واحد في هرجته لك يسرك وكم واحد من هرجه قليل حلاياه
والصاحب الي للمشاكل يجرك ابعد عن دروبه وخله لممشاه
وجنب عن العالم بخيرك وشرك خص السفيه ان ضايقك لاتحداه
واذا بغيت الشور واللي يبرك شاور سدسد الراي واحذر تعداه
واعرف صديقك يوم تعطيه سرك واحذر من اللي لاسمع سرك افشاه
ترى الزمن يقلب عليك ويضرك وكل على رايه وكيفه وممشاه

بوصيك ياخوي واسمع موصيك عشر وصايا قادحه من شراره
من تجربة دنيا وجردت مهاليك لقا بها الافراح عقب المراره
الاوله طيب النبي في ملاقيك حافظ عليه ولا تنقص عياره
لاتغض عينك لاتكلم محاكيك عطه على جوه وقدر وقاره
والثانيه من جاك زاين وناصيك قله احرست ودارك تصير داره
وان صاح ابن عمك فلاتقول وشفيك افزع معه واصمد على كل غاره
والثالثه خوة اهل الطيب تغنيك والا ضعيفين الروابع خساره
ومن يضحك بوجهك وهو مايدانيك كبه وخله يحترق وسط ناره
والرابعه لاحزن نصرك باياديك اقنع بنصرك لاتعاود مساره
لاترمي بنفسك بدرب المهاليك مشين على الرجال كون انكساره
والخامسه خابرك وانا مخاويك ماينفعك كثر اللعب والدواره
قلط ربوعك مجلسك يوم ياتيك وخل العود الازرق يدور دايرمداره
والسادسه رفيقك اللي يخاويك سافر معه وتعرف ماكرحراره
اما رفيقن في مماشيه يحييك والا تغير وجهتك عن مساره
والسابعه سرك يميتك ويحييك عليك بالكتمان تاره وتاره
افشاء سرك عند من لايراعيك مايرفع البنيان عقب انهياره
والثامنه من قبل لااقول واوصيك لاخير في جارن مايحب جاره
جارك عطه روحك وماتملك ايديك ركد له الدله وشب المناره
والتاسعه لو يغلط بحقك اخيك خذها بشحم وارفع مع الناس كاره
علمه ترى علمك وطاريه طاريك عليك به لو كان ماله جداره
والعاشره حب الهوى جعل مايجيك وان جاك فاللطف به وصونه وداره
يومن بيضحك بك ويومن يبكيك وياعزتي لك لاتعدى الستاره
واللي عن العشر الوصايا بيغنيك عمود دين ونور ودرب ومناره
ترى الصلاة وبس هي من تنجيك واللي ماهو يصلي حياته خساره
عليك به لو كان ماله جداره