نبض قلبي بحبه ويثور قلمي لأجله { مدونتي }

نبضي يدق بداخل الصدر لبيك
مدري احتويت القلب ولا احتويتك

اسمع معي دقات قلبي تناديك
حتى عروق القلب تصرخ فديتك

لوكان شب الصدر في كل مااطريك
صدري جهنم صار قد ماطريتك

لاقلت اريد انساك ماني بناسيك
أنسى نسيت انساك وانسى نسيتك

بعض الجروح تموت وتعيش به حي
وبعض الحياة جروح مايوصفه شرح

وبعض الجروح علاجها بالحشا كي
بس البلا كين تربا على جــــرح

تبكي قهر وعروق الاوجاع صاحت
وان كان صدك يوم بحسابي سبوع

ياما انحنيت وقلت صدمه وراحت
واليوم بقضي عيشتي منك موجوع

ماعاد ينفع لوخفاياك ناحت
ولاعاد صوتك بين الاصوات مسموع

لوهي دموعك للبشر غيض طاحت
انا البشر طاحت من عيوني دموع

عادي تصد وعادي اليوم ببكيك
وعادي ترا لاجيت واقفيت عنك

عادي يخيب الضن عادي يرديك
عادي ترا لاخـيبك حسـن ضـنـك

عادي يخون احيان حظك ويعميك
بس البلا لامن دموعك عمنــــــك

اضحك قهر والناس تبكيلي اوجاع
واخفي جروح (ن)بالحشا مستكينه

ابري جروح الناس والصدر ملتاع
والضيق في وسط الحنايا مدينه

حظ العيون الي تناضر معاليك
وحظ الستار الي يصافح جنابك

كثرت علي الخربطه والشرابيك
وعيني على شباك بيتك و بابك

مليت وارقب طلتك بالشبابيك
متى على الله هاليدين تشابك