صرير قلم وآنفاس مبعثره

‏ماني مفتش في خفا كل مدسوس
‏ولاني براعي صحبة مالها ساس

‏خذيت من وقتي تجاريب ودروس
‏وعرفت وشلون اتعامل مع الناس .

‏لا جاك هرجٍ من سفيه الفعايل
‏طنش وخل النار تاكل حطبها

لا عادها ظروف تاخذك ولا عاده فراق
الفرحه تشح و الضيقه تجي تدهر

والله من رحت والروتين ماله مذاق
الصبح ما ينقعد و الليل ما ينسهر

‏مازلت أنا الفارق المتفرد الأعذب
‏مهما عثوا في بيادر حزني أشباهي.

‏يكفيك عن بعض الردود ابتسامه
‏والرجل ماكل السوالف تهزه

‏ناسٍ تعاملها بقدر و كرامه
‏و ناسٍ تجاهلها لنفسك معزه

‏المحترم يفرض عليك احترامه
‏وترفاه عن شيٍ بنفسه يحزه

‏والمجلس اللي ماينومس مقامه
‏عجل بفنجالك وكرّم وهزه

‏المَجْدُ لَنَا نَحْنُ الَّذِينَ فِي عِزِّ هَشَاشَتِنَا ،
‏ حَافَظْنَا عَلَى تَوَازُنِنَا وَلَمْ نَسْقُطْ..

‏انشهد ، ان الوقت هذا تغيّر
‏ياراحت الميت ويابلشة الحي

‏حتى ولو جيت ابن عمك مسيّر
‏قالو ترى ... ماسير الا يبي شى .

مثل البريق اللي على طلعة الغاط
‏ابريق شاهي .. بس مافيه شاهي

‏ديكور .. ماهو حق جلسه ومقلاط
‏على الطريق .. مصمم ٍ للتباهي

حنا على الدنيا عزيزين وحشام
ما نجبر انفسنا لجل نرضي الغير

‏أحيانًا الصمت هو افضل وسيلة هروب
‏عن قولة الناس : ( هذي ليت ما قالها )

‏و الكلمة الطيّبة مـفـتـاح كـل القلوب
‏لـو انّها كـلّ يـوم .. تـبـدّل أقـفـالـهـا