فيني خجل

مرات اجلس واتابع كلامه .. واشوف ضحكته وهيامه . اشوف دلاله وانبساطه

قلبي يدق بقوه . عيوني تتمنى شوفته . و روحي يتمـنى قربه . وقلت هـ الابيات المنقوله :-


يوه يا ما احلى كلامه .. يوم يحكي عن هيامه / ياخذ العقل ويجنن .. قلبي ذايب في غرامه
..
يوه يا ما أحلى كلامه .. يوم يحكي عن هيامه
ياخذ العقل ويجنن .. قلبي ذايب في غرامه
..
ماني قد اللي يقوله .. عن هواه وعن ميوله
يعرف الحب وأصوله .. طيّر العقل بكلامه
..
يوه يا ما احلى كلامه .. يوم يحكي عن هيامه / ياخذ العقل ويجنن .. قلبي ذايب في غرامه
..
قلت : بالراحه عليّا .. وقال : منك وش عليّا
قلت : ما اتحمل غرامك .. قال : خليها عليّا
..
خفت بعد اللي فهمته .. من كلامه اللي سمعته
ألقى قلبي من فرحته .. طاح من طوله عليّا
..
يوه يا ما احلى كلامه .. يوم يحكي عن هيامه / ياخذ العقل ويجنن .. قلبي ذايب في غرامه
..
آه منه وش جرالي .. آه وش سوى بحالي
وآه من نظرة عيونه .. يوم تتمنى وصالي
..
كنت في عيونه المحبه .. قالت عيوني لقلبه
قالت : إني موت احبه .. وان ماغيره حلالي


:$

ألا ياليت الزمن يرجع وراوي و الليالي تدور

ويرجع وقتنا الأول وننعم في بساطتنا

زمان أول احس أنه زمان فيه صدق شعور

نحب ونخلص النيه وتجمعنا محبتنا

زمن مافيه لاغيبه ولاحتى نفاق وزور

ياليته بس لو يرجع ونسترجع طفولتنا

صغار قلوبنا بيضه نعيش بعالم محصور

ولا نعرف ابد أغراب ماغير عيال حارتنا

صحيح صغار في التفكير لكن ماعلينا قصور

نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور

نحاول نزعج العالم بروحتنا وجيتنا

وعشان نأخر الحصه نخبي علبة الطبشور

نشاغب بس في الاخر تميزنا براءتنا

نحب الضحك والهيصه نحب نط فوق السور

نفرفش ليه ما نفرفش مدام الضحك عادتنا

لكن دارت الأيام وبان الخافي المستور

وصار الهم متعلي على قمة سعادتنا

كبرنا وصارت الدنيا تصف أحزاننا بدور

وتهدينا اللألم والهم غصب عن عين رغبتنا

تعبنا من بلاوينا أحد طيب وأحد مقهور

وكلن غارق بهمه وفي الأخر تشتتنا

وانا مااقول غيرإلا ياليت إن الزمن يدور

ويرجع للوراء فتره نعدل وضع عيشتنا

للدموع معنـى والعين تبقى سبيل . . . والدمع حبر والخد يبقى كتاب

يبقى الحزن بـ القلب شايله شيل . . . تكثر الهموم والصدمات والشعر شاب

الشك طبع ومرات مرض يغتال . . . والغيره تحرق صاحبه وتفتح ابواب

والفراق صعب مثل الحلم ينطال . . . تتعب وتتنظر وللإسف يبقى سراب

هذا بـ اختصار معنى الحب بطال . . . تجنبته وتبت وشاركني الحب وتاب

تناسيني


عبس وجه الزمان و زاد لومه لا تلوميني

طغا جور الهوا و انهى سنينٍ من صبر و أحلام

طلبتك كان لي في داخلك بعض الغلا اجفيني

ترى حَر الجفا أهون كثير من الوهم لو دام


تناسيني



سلام الله على وقت مضى و ماصار به فيني

خذا ضي القمر و الشمس ما قد شعشعت من عام

هناك بعيد ويا الشوق ضنيني و حبيني

هنا لا تقربي ضاق المكان بزحمه الأقدام


تناسيني




هواي العف يا أسمى القصايد في دواويني

أنا لي قلب ما يقوي يضيم و لا يبي ينضام

تخيرت أبتعد و الصمت و الوحده عناويني

و إذا ودك تزوريني تعالي بس بالأحلام

روح وخلك معاهم
مادام مالك سواهم
ومهما عني تخبي
واضح في عينك غلاهم
أول تجينا وتسأل
واليوم طبعك تغير
تشره علينا وتزعل
وانت اللي دايم تتكبر

ذكرتك ليلة البارح .. بعد ماطول غيابك .. سهرت وقلت وين الله بلا خلي موديني

2- انا اللي كنت اقول .. اني نسيت وما احسب حسابك .. اثاريني مانسيت وطاري النسيان ناسيني

3- تموت بخاطري قصة جفاك .. وقسوة عتابك .. على كبر الخطا منك ترا ماطحت من عيني

4- انا اللي خانني حظي وظلم الوقت واقرابك .. ولا ادري وش بلى حظي معك دايم يعنيني

5- اذا قصدك تبي تعرف غلاك امووووت واحياااااااابك .. واكيد انك بعد مثلي مثل ما اغليك تغليني

6- نقشت اسمك على قلبي .. مادام ان الهوا جابك .. بموت وبندفن واسمك وحبك عايشن فيني

7- اشوفك بالغياب .. اللي خذاك هناك وابطابك .. واشوفك بالمنام في سكة احلامي مخاويني

8- اشوفك بالهدايا .. والورق .. والحبر .. وكتابك .. واشوفك بالدروب اللي على بابك توديني

9- ابيك ومابي غيرك .. انا ما اعيش الا بك تعال .. ان ماحصل شوفك ترا صوتك يكفيني

10- دخيلك لاتغيب .. وتبتعد ويطول غيابك .. دخيل الله وبعد الله دخيلك .. لاتخليني

11- والله أعزك ..... يا الغالي أعزك..... و إن غبت عن دنيتي يبقى خيالك

12- يبقى خيالك ...... وهاجسك...... و طاريك ...... تبقى لي غالي ...... تحتويني واحتويك

13- لو قلت لك .... ( واحشني ) ... أكذب عليك ...... لأني بموت من الشوق والوحشه عليك

14- و ان تبي بالغلا قلب يداريك ...... و الله لك قلبي ما يغلى عليك

15- و الله غالي ومن زود المخاليق ... أغليك ... و أخاف الناس تحسدني ... من كثر ماغليك

16- عسى الله يحفظك .. ويصونك ..ويحميك من عيون الناس ... ياالغالي ويحميك

كتبـت بيتيــن وقـلت فيهم :-

. . }

الحجر قاسي مايلين ويسهل عليه ثباته . . . لكن بـ هلت الامطار يضعف ويسهل انكساره

مثل القلب يصعب عليه احدن اختراقه . . . وبدموعي سهّل اختراقه وانكسر وبانت اضراره

على كثر الهموم اللي .. في قلبي ما شكيت الحال..

على كثر الجــروح اللي.. تمادت أكتم العبرة..

رضيت أبقى تحت.. مر الزمــان اللي غدى همال..

ما دام الله كفل عبد .. تصبر و أحتسب أجره..

و أنا باقي.. و أظل أبقى..على جور الحزن حمال..

و لاني من صنوف اللي.. بسهولة ينفجر صبره..

و أنا والله.. من صغري.. عرفت أن الرجال أفعال..

و عرفت أن الفتى لله.. ما غير الله يفك أسره..

ترى كل الطعون اللي .. في ذاتي ما طرت على البال..

و لا هزت كياني .. و لا هزت و لا شعره..

عرفت أن الزمن صوت .. ينادي بلهجة المحتاج..

تشوفه بالرضا يومـ(ن).. و يومـ(ن) مشعل الثورة...

شبيه الريح وشباقي من الالام والتجريح

شباقي من الاحلام.. وشباقي من الاوهام

غير اني ألاقي في هجيرك في

وألاقي في ظلامك ضي

وأوقد شمعتي في الريح.. شبيه الريح

* * *

شبيه الريح انا ما اقدر اكدر صفوك العاصف

شبيه الريح انا من لي سوى احساسك الجارف

بقايا زيف اشواقي.. سما أمطار أحداقي

شبيه الريح وشباقي

* * *

ابي اعرف متى تسكن رياحك

وابي اعرف غرورك هو متى يطلق سراحك

وابي اعرف متى تعصف، ومتى تعطف، متى تنزف جراحك

وابي اعرف اذا باقي في بحرك موج اكسر فيه مجدافي

وابي اعرف اذا باقي في همك هم ما شالته اكتافي

وابي اعرف اذا باقي في هالدنيا حزن ما مرني واستوطن اطرافي

بقايا زيف اشواقي .. سما أمطار أحداقي

شبيه الريح وشباقي


* * *

سنيني يم، وقلبي المركب المتعب وانت الريح

مجاديفي عذاب وهم، وزاد الوجد والتبريح

وصبري صبر بحارة بغوا باليم محارة

غشاهم موج كان من الغضب اغضب

وكانوا للهلاك اقرب، لولا كثروا التسبيح


* * *

حبيبي الأصدق الأكذب

تعبت اوصل شواطئ طبعك الأعذب

تعبت اجمع الم كل الموادع في الموانئ واحضن اطيافك

تعبت السهد في ليل الشوارع والثواني تنطر مصابك

تعبت الظلم واجحافك

بقايا زيف اشواقي.. سما أمطار أحداقي

شبيه الريح وشباقي

الله يعطيك العوافي ياللي بالتجريح وافي
ارحم احساسي وقلبي كافي منك جروح كافي

شلت همك فوق همي وانت لاهي منت يمي
احترق ياهوه دمي حتى دست الشوك حافي

انا محتاجك ياروحي ماني محتاج لجروحي
منهو غيرك قبل بوحي يقرا بعيوني الخوافي

عطني من قلبك حنانه رد لاحساسي امانه
راسي بحضنك مكانه لاغدى بالشوق دافي

تدري لو ماكنت احبك كان ماداريت قلبك
لاولاسامحت ذنبك واقسى واعاند واجافي

بس انا ميت غرامك واغرق بدنيا هيامك
واشعل عيوني بغيابك شمعتين وانت غافي


: (