|~ليِ مزآإجَ [ صعبَ ] ترويقه مَـآ يجيبَ رآإسه إلا حـنــآإنـك ‏ ~

لـآ يـــــطول غيــــــآبكـ



لا يطول غيابك ثم اخذ عليه

لو تخليت عني عنك قلبي ماتخلى

العذر والتعلل والحكي ما نبيه

من تحرك فواده بالهوى ما تغلى

طبعي الصبر لكن وش عليه ارتجيه

من طويل الصبر يعقوب وايوب ملا

دامني حي عطني وش بقى نحتريه

ما بي دموعك اللي عقب موتي تهلا

ما بقى بالعمر مقدار ما راح فيه

كل ما زل يوم يوم بالعمر ولى

ما يعرف الجمر مثل الذي يكتويه

احد يدفا بناره واحد فيه يتصلى

يا من القلب حطيته براحة يديه

ما رضى له مكان غير كفك محلا

كم تعذر وعيا عن هوى مهتويه

لين طاح بيمينك بالغرام وتجلى