صرير قلم وآنفاس مبعثره

نصائح قبل شراء البلح ������
اولا البلح الرطب الان سعره معقول ومعاك شهر كامل سعرة بينزل فيه
لو هتشترى بلح انظر كويس جدا على البلح فى القفص لو لقيت احجام واشكال متقاربة بلاش تشترى لانه مخلوط أصناف وخاصة البرحى
الزغلول اجمل بلح عاوز حاجة تسليك وطعمه تحفه بس خلى بالك الزغلول لونه احمر وردى أو احمر فاتح
أما الاجمل منه الحجازى لونه احمر غامق او اسود ونفس حجم الزغول وتلاقى فى اخر البلحاية خطوط كده والبذرة بتاعة مدببه ورفيعة دا اجمل انواع البلح بس اوعى يبيع ليك التاجر الزغلول على أنه حجازى

اوعى تشترى بلح بليل بيخلط انواع تانية أو الحفش أو البلح المعطوب معاه

لو هتخزن بلح تشترى وتعبى فى اكياس وتقفلة كويس جدا وعلى الفريزر علطول ولما تخرجة تغسلة كويس وبالف هنا

افضل انواع البلح للتخزين البلح السيوى وبارضو الرطب ولو بلح اصفر مش هقول لاء لو هتضعة فى الفريزر

افضل انواع التمور لعمل العجوة هو السيوى

افضل وقت تاكل فيه التمور عموما الصباح الباكر أو بعد الفجر

���� اشترى البلح واكل اولادك ممتاز للتحصيل الدراسى وممتاز للانيميا والبيت اللى مش فيه بلح فقير من المعادن