استغلوا فرصة الشهر الفضيل
وافتحوا صفحة محبه وانسجام

والليالي تودع العاقل هبيل
والأمور اليوم سلم يا سلام

راح جيل ومقبل ياخوك جيل
يالله اني طالبك حسن الختام

العـزيـــز يـــــذل ويعز الذليل
والسباع تباع في سوق النعام

ودفتر الشيكات في مخبا البخيل
ماظهر في حرب والا في سلام

واللبن والزبد في بطن الصميل
ما اطعم الجايع ولا فطر صيام

وش يجيب الدوم لغروس النخيل
فرقهن فرق الكرام من اللئام

ومن جلب لأهل الحسا تمرٍ حويل
علموه إن الهــــــزيله ما تسام

حسبنا المولى وهو نعم الوكيل
عالم النيـــــــــات خلاق الأنام

مانبي منهم كثير ولا قليل
ولا لنا مقصد ولا غاية مرام

والحظيظ اللي يحسب للرحيل
باكر ليا لف في مترين خام

مايفيده لاخوي ولا زميل
ولا يفيده لا خوال ولا عمام

فانيه والآدمي عابر سبيل
اترك اللي فات وانظر للأمام

والمهايط والحكي ماله ذبيل
مارفع طامن ولا طمن سنام

والشعير يكال بخياش وزبيل
والذهب محسوب بالملي جرام

والكلام أحيان أحد من الصقيل
يتلف الأرواح ويقص العظام

والصبر طيب لو أنه حنظليل
والعفو والصفح من طبع الكرام

استغلوا فرصة الشهر الفضيل
افتحوا صفحة محبه وانسجام

. أغبياء اخترعوا باص بالعرض ليه ؟
عشان يركبون كلهم قدام

· محشش يسأل محشش لو صحيت ولقيت نفسك ميت وش تسوي؟
قال والله لأنهبل.

· غبي اشترى حق ولده آلة حاسبة وشال منها الصفر علشان ما يتصل دولي

· غراب حاشر عصافير فى زاويه ويقول من الحيوان فيكم قال جاكم كويحه

· واحد قال لأبوه يبا مدرسنا خبل أمس يقول 3+2=5 واليوم يقول
5=1+4

· واحد بنا بيته بشكل دائري علشان زوجته لا تقول له حابسني بين أربع حيطان

· مدرس العلوم سأل تلميذ : عرف الخفاش ؟
التلميذ: فار لابس بشت أسود

· محشش يمشي مع خويته شافت أبوها قالت أبوي قال المحشش قولي أني أخوك

· يقول لك أغبياء يرجمون أسد هربوا كلهم إلا اثنين يقولون للأسد :
حنا مارجمناك

فيه نمله تصارخ بالحمام ليش ؟
شافت صرصور سكران

· محشش اتصل علىناس قال:
بيت فلان؟
قالو لا
قال:اجل ليش تردون

· وحده حلمت أن محشش يلاحقها قالت له وش تبي؟
قال مدري عنك أنتي اللي تحلمين

· أغبياء يبون يفجرون مبنى حطو القنابل في الدور الأول وطلعواالسطوح

· غبي مشتهي لبن راح للثلاجه لقى تاريخه منتهي قام زور التاريخ وشربه

· فيه واحد يمشي وينقط مويه ليه؟
اسمه حنفي

· نذل يبي يطلع من موقف السيارات شاف واحد بيجي مكانه رجع قفل السياره وركب تكسي

· في واحد واضع الخلوي خارج الشباك ليش :
ينتظر مكالمه خارجيه

· واحد يحب الهدوء اشترى شريط كاسيت فارغ

· غبي سألوه متىأخر مره رحت البحرين قال يوم كان خط الجسر ترابي

· واحد يقرأ صفحة الوفيات في جريدة ويضحك ليش ؟
ما لقى اسمه وياهم

· نذل حلم انه طيب قعد من النوم قال أعوذ بالله وش الكابوس هذا

· واحد احترق ودوه مستشفى العظام ليش أخوه مطفيه بطابوقه

· في وحده بنت تكهربت قامت جدتها تصفق ليش؟
تحسب أنها ترقص

· معلم و معلمة تزوجوا كتبو الكتاب في السبورة